கோலாலம்பூர், அக் 2
இன்றைய காலகட்டத்தில் நூலகம் என்று கூறும்போது அது வெறுமென புத்தக அலமாரிகளும் வாசிப்பதற்கான இடமும் மட்டுமல்ல. நூலகங்கள் தற்போது உயிரோட்டமிக்க ஊடகக் கூடிய மற்றும் டிஜிட்டல் தலைமுறையுடன் நெருக்கமாக இணைந்து அறிவுத் தளமாக மாறி வருவதாக தேசிய ஒருமைப்பாட்டு துறை துணை அமைச்சர் யுனேஸ்வரன் ராமராஜ் கூறினார்.
செயற்கை நுண்ணறிவு (AI), போலித் தகவல்கள் மற்றும் எளிதில் மாற்றியமைக்கக்கூடிய டிஜிட்டல் உள்ளடக்கங்கள் நிறைந்த இந்தக் காலத்தில், நூலகர்களின் பங்கும் மேலும் முக்கியத்துவம் பெற்றுள்ளது. அவர்கள் புத்தகங்கள் மற்றும் தகவல் சேகரிப்புகளை நிர்வகிப்பதுடன் மட்டுமல்லாமல், பொதுமக்கள் நம்பகமான தகவல்களைத் தேடிக் கண்டறியவும், தொழில்நுட்பத்தைப் புரிந்துகொள்ளவும், டிஜிட்டல் உலகை நெறிமுறையுடனும் பொறுப்புடனும் பயன்படுத்தவும் உதவுகின்றனர்.
மலேசிய தேசிய நூலகத்தின் பணியாளர்களால் உருவாக்கப்பட்டுள்ள புதுமையான முயற்சிகளைப் பார்ப்பதில் நான் பெருமை கொள்கிறேன். அவற்றில் ஒன்றான AI Cataloger, புத்தகங்களைப் பட்டியலிடும் செயல்முறையை சுமார் 30 நிமிடங்களில் இருந்து 1 நிமிடத்திற்கும் குறைவாக குறைத்துள்ளது. நல்ல புதுமை என்பது மிகப்பெரிய திட்டத்திலிருந்துதான் தொடங்க வேண்டும் என்பதில்லை; ஒரு பிரச்சினையைப் புரிந்துகொண்டு, உண்மையான பயனைத் தரக்கூடிய தீர்வைக் கண்டறிவதிலிருந்தும் தொடங்கலாம் என்பதற்கு இது சிறந்த எடுத்துக்காட்டு.
அதேவேளை, டிஜிட்டல் மாற்றம் அனைவரையும் உள்ளடக்கியதாக இருக்க வேண்டும். மூத்த குடிமக்கள், மாற்றுத்திறனாளிகள், கிராமப்புற மக்கள் மற்றும் டிஜிட்டல் வசதிகளைப் பெறுவதில் சிரமம் உள்ளவர்கள் பின்தங்கிவிடக் கூடாது.
மேலும், PNM 2026–2030 டிஜிட்டல் மயமாக்கல் மூலோபாயத் திட்டத்தின் eBook மற்றும் மலேசியாவில் டிஜிட்டல் நூலகங்களுக்கான வழிகாட்டுதல்கள் ஆகியவற்றையும் அதிகாரப்பூர்வமாக வெளியிட்டேன்.
இந்த கருத்தரங்கை வெற்றிகரமாக நடத்துவதற்கு பங்களித்த மலேசிய தேசிய நூலகம் மற்றும் அனைவருக்கும் வாழ்த்துகள்.
தொழில்நுட்பம் வெறும் பணிகளை எளிதாக்குவதற்காக மட்டுமல்லாமல், அறிவை மக்களிடம் கொண்டு சேர்க்கவும், புரிதலை வளர்க்கவும், மலேசிய மக்களின் ஒற்றுமையை மேலும் வலுப்படுத்தவும் தொடர்ந்து பயன்படுத்தப்படட்டும்.
