Renuka Indrarajah, SPARK Foundation அறங்காவலரும் HEINEKEN Malaysia நிறுவனத்தின் Corporate Affairs & Legal Director-உம், மற்றும் Dr. Saradha Narayanan, Soroptimist International Region of Malaysia (SIROM) அமைப்பைச் சேர்ந்தவர்
மலேசியாவின் உணவு மற்றும் நீர் அமைப்புகள் அதிகரித்து வரும் காலநிலை மாற்ற அழுத்தங்களை எதிர்கொண்டு வருகின்றன. 2026ஆம் ஆண்டுக்கான World Bank-இன் Malaysia National Climate Change Institutional Assessment அறிக்கையின்படி, தீவிரமான மற்றும் மாறிவரும் வானிலை முறைகள் ஏற்கனவே விவசாய உற்பத்தி, உணவுப் பாதுகாப்பு மற்றும் மக்களின் வாழ்வாதாரத்தை பாதித்து வருகின்றன. அதேபோல், மலேசியாவின் National Agrofood Policy 2021–2030 கொள்கையும் நீர் பற்றாக்குறை, பயிர் விளைச்சல் குறைதல், வறட்சி மற்றும் வெள்ளம் ஆகியவற்றை விவசாயத்திற்கான முக்கிய காலநிலை அபாயங்களாக அடையாளப்படுத்துகிறது.
இதன் மூலம் ஒரு முக்கியமான உண்மை தெளிவாகிறது: நீர் பாதுகாப்பு பாதிக்கப்படும்போது, உணவு உற்பத்தியும் மக்களின் வாழ்வாதாரமும் பாதிக்கப்படும்.
2026ஆம் ஆண்டு சபாவின் கோத்தா கினபாலுவில் நடைபெற்ற Soroptimist International Region of Malaysia (SIROM) South East Asia Pacific Conference of Clubs மாநாட்டிலும் இதுவே முக்கிய விவாதப் பொருளாக அமைந்தது. குறிப்பாக கிராமப்புற சமூகங்களின் நீண்டகால உணவுப் பாதுகாப்பு என்பது உணவு உற்பத்தி மட்டுமல்ல; நம்பகமான நீர் வசதி, நிலையான வாழ்வாதாரம், திறன் மேம்பாடு, உள்கட்டமைப்பு மற்றும் சமூகங்களின் திறன் ஆகியவற்றையும் உள்ளடக்கியதாகும்.
உடனடி நிவாரணத்திலிருந்து நீண்டகால பின்னடைவு திறன் வரை
இந்த புரிதலே HEINEKEN Cares திட்டத்தின் வளர்ச்சிக்கு வழிவகுத்தது. 2021ஆம் ஆண்டு கொரோனா தொற்றுநோய் உச்சத்தில் இருந்தபோது தொடங்கப்பட்ட இந்தத் திட்டம், ஆரம்பத்தில் உணவுப் பற்றாக்குறையை சமாளிப்பதற்காக சமூகக் கூட்டாளர்களுடன் இணைந்து உணவு உதவி மற்றும் அத்தியாவசியப் பொருட்கள் அடங்கிய பொதிகளை வழங்கியது. இதில் SIROM அமைப்பும் முக்கிய சமூகக் கூட்டாளராக இருந்தது.
காலப்போக்கில், நீடித்த உணவுப் பாதுகாப்பை உருவாக்குவதற்கு உணவு உதவி மட்டும் போதாது என்பது தெளிவானது. நீர் வசதி, வருமான நிலைத்தன்மை மற்றும் சமூகங்களின் பின்னடைவு திறன் ஆகியவற்றையும் மேம்படுத்த வேண்டியது அவசியமானது.
இதன் அடிப்படையில், 2022ஆம் ஆண்டு HEINEKEN Cares திட்டம் குறுகியகால உதவியைத் தாண்டி, உணவுப் பாதுகாப்பு, நீர் வளப் பாதுகாப்பு, திறன் மேம்பாடு மற்றும் நிலையான வருமானம் ஆகியவற்றை உள்ளடக்கிய சமூக மேம்பாட்டுத் தளமாக விரிவடைந்தது.
செயல்பாட்டில் நீர், உணவு மற்றும் வாழ்வாதாரம்
HEINEKEN Malaysia மற்றும் SIROM இடையேயான ஒத்துழைப்பு கொரோனா தொற்றுநோய்க்கு முன்பே தொடங்கியது. 2018ஆம் ஆண்டு முதலே இரு அமைப்புகளும் பல்வேறு சமூகத் திட்டங்களில் இணைந்து செயல்பட்டு வருகின்றன. இந்த நீண்டகால கூட்டாண்மை, உடனடி தேவைகளுக்கு பதிலளிப்பதோடு, நீண்டகாலத் தீர்வுகளையும் உருவாக்குவதற்கான வலுவான அடித்தளத்தை ஏற்படுத்தியது.
2018ஆம் ஆண்டு முதல், HEINEKEN Malaysia 28 NGO கூட்டாண்மைகள் மூலம் RM2 மில்லியனுக்கும் அதிகமாக முதலீடு செய்து, 20,000க்கும் மேற்பட்ட மக்களை நீர் வசதி மற்றும் உணவுப் பாதுகாப்பு சார்ந்த திட்டங்கள் மூலம் சென்றடைந்துள்ளது. குறிப்பாக கிழக்கு மலேசியாவில் தூய்மையான நீர், உணவுப் பாதுகாப்பு மற்றும் பொருளாதார வாய்ப்புகள் தொடர்பான சவால்களை எதிர்கொள்ளும் சமூகங்களுக்கு முக்கியத்துவம் வழங்கப்பட்டுள்ளது.
சபாவின் கோத்தா மாருடுவில் உள்ள Kampung Gana பகுதியில், இரண்டு ஏக்கர் இயற்கை விவசாயப் பண்ணையுடன் இணைந்த ஈர்ப்பு விசை அடிப்படையிலான நீர் வழங்கல் அமைப்பு உருவாக்கப்பட்டது. இதன் மூலம் சமூகத்தினருக்கு தூய்மையான நீர் கிடைப்பதுடன், உணவு உற்பத்திக்கும் ஆதரவு கிடைத்தது.
அங்குள்ள பெண்களுக்கு இயற்கை விவசாய முறைகள் குறித்த பயிற்சிகள் வழங்கப்பட்டன. இதன் மூலம் குடும்பங்களுக்கான உணவுப் பாதுகாப்பை மேம்படுத்துவதோடு, உபரி விளைபொருட்களை விற்பனை செய்வதன் மூலம் கூடுதல் வருமானம் பெறுவதற்கான வாய்ப்பும் உருவானது.
Kampung Ganaவைச் சேர்ந்த Laisah Udan கூறுகையில், SIROM மற்றும் HEINEKEN Malaysia வழங்கிய ஆதரவின் மூலம் தங்கள் சொந்த உணவை உற்பத்தி செய்ய விவசாயத்தைத் தொடங்க முடிந்ததாகவும், விவசாயம் மற்றும் பயிர் வளர்ப்பு தொடர்பான பயிற்சிகள் வழங்கப்பட்டதாகவும் தெரிவித்தார். தற்போது தங்கள் நிலத்தில் இருந்து புதிய விளைபொருட்களையும், தினசரி தூய்மையான நீரையும் பெற முடிவதாகவும் அவர் கூறினார்.
மேலும், உபரி விளைபொருட்களை உள்ளூர் சந்தையில் விற்பனை செய்வதற்காக தங்கள் தொழிலைப் பதிவு செய்துள்ளதாகவும், ஒவ்வொரு அறுவடையும் தங்களின் தன்னிறைவை அதிகரித்து சமூகத்தை வலுப்படுத்துவதாகவும் அவர் தெரிவித்தார்.
இதேபோன்ற அணுகுமுறை சரவாக்கின் Belaga பகுதியில் உள்ள Long Tanyit சமூகத்திலும் செயல்படுத்தப்பட்டது. மாற்று நீர் அமைப்புகள் மூலம் சமூக விவசாயத்திற்கு ஆதரவு வழங்கப்பட்டதுடன், உள்ளூர் உணவுப் பாதுகாப்பும் வலுப்படுத்தப்பட்டது.
இதன் மூலம் நீர், உணவு மற்றும் வாழ்வாதாரம் ஆகியவை ஒன்றோடொன்று தொடர்புடைய சவால்கள் என்பதை இந்தத் திட்டங்கள் எடுத்துக்காட்டுகின்றன.
கிழக்கு மலேசியாவைத் தாண்டி, பஹாங்கின் Bentong பகுதியில் உள்ள Kampung Sungai Lebak சமூகத்தைச் சேர்ந்த 100க்கும் மேற்பட்ட Orang Asli சமூக உறுப்பினர்களுக்கும் ராக் மெலன் சாகுபடி மற்றும் aquaponics விவசாய முறைகள் மூலம் அதிகாரமளிக்கப்பட்டுள்ளது.
குறைந்த அளவு நீரைப் பயன்படுத்தும் இந்த முறைகள் உணவுப் பாதுகாப்பை மேம்படுத்துவதோடு, சமூகத்தினருக்கு வருமானத்தையும் உருவாக்கியுள்ளன. 2024ஆம் ஆண்டில் மட்டும், அந்த சமூகத்தினர் RM37,000 மதிப்பிலான விளைபொருட்களை உற்பத்தி செய்துள்ளனர்.
இந்த சமூகங்களில் ஏற்பட்டுள்ள மாற்றங்கள் உள்கட்டமைப்பு மற்றும் அறுவடை அளவுகளைக் கடந்தவை. சமூகங்களுக்கு தேவையான வளங்கள், திறன்கள் மற்றும் தொடர்ச்சியான ஆதரவு வழங்கப்படும்போது, அவர்கள் தங்களது சொந்த முன்னேற்றத்தை நிலையான முறையில் உருவாக்க முடியும் என்பதை இவை நிரூபிக்கின்றன.
நீடித்த தாக்கத்திற்கான கூட்டு நடவடிக்கை
HEINEKEN Cares திட்டத்தின் பயணம், அவசரகால உதவிகள் எவ்வாறு உள்ளூர் சமூகங்களை மையமாகக் கொண்ட நீண்டகாலத் தீர்வுகளாக மாற்றப்பட முடியும் என்பதை எடுத்துக்காட்டுகிறது.
அதேவேளை, SIROM மாநாட்டில் பகிரப்பட்ட முக்கியமான கருத்தையும் இது வலியுறுத்துகிறது: உணவு மற்றும் நீர் பற்றாக்குறை போன்ற சவால்களை எந்த ஒரு நிறுவனமும் தனியாகத் தீர்க்க முடியாது.
நீடித்த தாக்கத்தை ஏற்படுத்துவதற்கு, கூட்டாளிகள் தங்களது அறிவு, வளங்கள் மற்றும் திறன்களை ஒன்றிணைக்க வேண்டும்.
இந்த அணுகுமுறை HEINEKEN நிறுவனத்தின் Brew a Better World 2030 உத்தியை அடிப்படையாகக் கொண்டது. HEINEKEN Malaysia-வின் சமூகப் பொறுப்புப் பிரிவான SPARK Foundation மூலம், சமூகங்களின் தேவைகளைப் பூர்த்தி செய்வதோடு, மாற்றத்தைத் தொடர்ந்து நிலைநிறுத்தும் உள்ளூர் திறன்களையும் வலுப்படுத்தும் திட்டங்களாக இது செயல்படுத்தப்படுகிறது.
தூய்மையான நீருக்கான அணுகலை மேம்படுத்துதல், சுற்றுச்சூழல் மறுசீரமைப்பை ஆதரித்தல் மற்றும் சமூகங்களின் பின்னடைவு திறனை வலுப்படுத்துதல் உள்ளிட்ட பல்வேறு நடவடிக்கைகள் இதில் அடங்குகின்றன.
நீர் வளங்களைப் பாதுகாக்கவும், உணவு அமைப்புகளை வலுப்படுத்தவும், பின்னடைவு திறன் கொண்ட சமூகங்களை உருவாக்கவும் ஒன்றிணைந்து செயல்படுவதன் மூலம், இந்த முன்னேற்றங்கள் எதிர்கால தலைமுறைகளுக்கும் தொடர்ந்து பயனளிப்பதை உறுதி செய்ய முடியும்.
ஒன்றிணைந்தால் நம்மால் முடியும் — Together We Can.
